By OBARO bied ons ‘n verskeidenheid van landboutoerusting aan, ontwerp om aan die uiteenlopende behoeftes van moderne boere te voldoen. Ons toerusting en onderdele word van betroubare leweransiers verkry, wat kwaliteit en aanpasbaarheid met jou bestaande toerusting waarborg.
Of jy nou jou masjinerie wil opgradeer of spesifieke onderdele benodig om jou bestaande toerusting te onderhou, ons het die regte oplossings vir jou.
Met gevorderde toerusting, kundige ondersteuning en geïntegreerde digitale oplossings, bied OBARO se meganisasie-afdeling ’n volledige dienspakket om jou plaas se produktiwiteit en doeltreffendheid te verbeter.
WERKSWINKELS
Ons kan jou masjinerie in een van ons werkswinkels diens. Ons bekwame tegnikuste gebruik die nuutste tegnologie en toerusting om enige probleme te identifiseer en te herstel, en ons maak seker alle onderdele funksioneer optimaal voordat ons die masjinerie terugstuur. Ons werkswinkels is in Brits (Noordwes), Marble Hall (Limpopo) en Middelburg (Mpumalanga).
MOBIELE SPAN
Ons weet dat die vervoer van jou masjinerie ‘n werklike uitdaging kan wees, veral as dit uitgebreide herstelwerk benodig. Maar by OBARO maak dit nie saak nie, want ons het ‘n oplossing! Ons op-die-plaas dienste is ontwerp om jou lewe makliker te maak.
Ons werkswinkelvoertuie is ten volle toegerus om enige diens of herstelwerk op jou plaas te hanteer. Jy hoef dus nie oor die vervoer van jou masjinerie na een van ons werkswinkels te bekommer nie ─ ons sal na jou toe kom.
ONDERDELE
Ons bied ‘n wye verskeidenheid toerusting, van oesmasjiene tot trekkers, om jou te help om die werk te doen. As jy onderdele vir jou bestaande toerusting benodig, het ons dit ook beskikbaar.
Nie net verkoop ons masjinerie en onderdele nie, ons verkoop ook motorfietse ─ perfek om vinnig op jou plaas rond te rits. Met al dié opsies onder een dak, sal jy definitief kry waarna jy soek.
Ons spesialisspan is altyd gereed om jou in die winkel of telefonies by te staan. Het jy vrae oor toerusting? Benodig jy advies oor wat om te koop? Of wil jy net ons spesialiste ontmoet? Ons is hier en reg om te help.
SPESIALISTE
Ons spesialisspan is uiters bekwaam en kry gereeld verdere opleiding. Ons het ook ‘n vennootskap met Sol-tech waar ons jaarliks topgekwalifiseerde talent werf.
Magaliesburg Tel: 083 670 6946 [email protected]
Tijgervallei, Pretoria en Wonderboom
Tel: 082 719 7733
[email protected]
